Transmeton Ebu Hurejre: Dy burra, një musliman dhe një çifut, u fyen me njëri-tjetrin. Muslimani tha: "Pasha Atë që e zgjodhi Muhamedin mbi të gjithë njerëzit!" Ndërsa çifuti tha: "Pasha Atë që e zgjodhi Musain mbi të gjithë njerëzit!" Me këtë rast, muslimani u zemërua dhe e goditi çifutin me shuplakë në fytyrë. Çifuti shkoi te i Dërguari i Allahut (s.a.v.s.) dhe e njoftoi për atë që kishte ndodhur mes tij dhe muslimanit. I Dërguari i Allahut (s.a.v.s.) tha: "Mos më jepni përparësi ndaj Musait, sepse njerëzit do të mbeten pa ndjenja në Ditën e Kiametit, kurse unë do të jem i pari që do të vijë në vete. Kur të zgjohem, do të shoh Musain të kapur për anën e Arshit. Nuk e di nëse edhe Musait i ka rënë të fikët e ka ardhur në vete para meje, apo ka qenë prej atyre që Allahu i ka përjashtuar."