Transmeton Ajsheja se i Dërguari i Allahut (s.a.v.s.) ka thënë: "Nuk ka askënd që jep llogari në Ditën e Kiametit e të mos shkatërrohet." Unë i thashë: "O i Dërguari i Allahut (s.a.v.s.)! A nuk ka thënë Allahu i Madhëruar: 'Sa i përket atij që do t’i jepet libri i tij në dorën e djathtë, ai do të llogaritet me një llogari të lehtë'?" Atëherë i Dërguari i Allahut (s.a.v.s.) tha: "Kjo është vetëm paraqitje e veprave, sepse askush nuk merret në pyetje imtësisht për llogarinë e tij në Ditën e Kiametit e të mos ndëshkohet."