Transmeton Ebu Hurejra: E kam dëgjuar të Dërguarin e Allahut (s.a.v.s.) duke thënë: "Nga umeti im do të hyjë në Xhenet një grup prej shtatëdhjetë mijë personash, fytyrat e të cilëve do të shkëlqejnë si hëna në natën e plotë." Me të dëgjuar këtë, Ukashe bin Mihsan el-Esdi u ngrit duke ngritur mbulesën e tij dhe tha: "O i Dërguari i Allahut (s.a.v.s.)! Lute Allahun që të më bëjë prej tyre." Pejgamberi (s.a.v.s.) tha: "O Allah, bëje atë prej tyre." Pastaj u ngrit një burrë tjetër nga Ensarët dhe tha: "O i Dërguari i Allahut (s.a.v.s.)! Lute Allahun që të më bëjë prej tyre." Pejgamberi (s.a.v.s.) i tha: "Të parapriu Ukashja."