Transmeton Enesi: Haritha ra dëshmor në ditën e Bedrit kur ishte ende djalosh. Nëna e tij erdhi te Pejgamberi (s.a.v.s.) dhe i tha: "O i Dërguari i Allahut (s.a.v.s.)! Ti e di se çfarë vendi kishte Haritha tek unë; nëse ai është në Xhenet, unë do të bëj durim dhe do të shpresoj në shpërblimin e Allahut, por nëse është ndryshe, do të shohësh se çfarë do të bëj." Pejgamberi (s.a.v.s.) tha: "Mjerë për ty, a ke humbur mendjen? A mos është vetëm një Xhenet? Ka shumë Xhenete dhe ai vërtet është në Xhenetin e Firdevsit."