Transmeton Enesi: Nëna e Harithes erdhi te i Dërguari i Allahut (s.a.v.s.) pasi Haritheja kishte rënë dëshmor në ditën e Bedrit nga një shigjetë e hedhur prej një drejtimi të panjohur. Ajo i tha: "O i Dërguari i Allahut (s.a.v.s.)! Ti e di vendin që kishte Haritheja në zemrën time, prandaj nëse ai është në Xhenet, unë nuk do ta qaj atë, e nëse është ndryshe, do të shohësh se çfarë do të bëj." Pejgamberi (s.a.v.s.) i tha: "Mjerë për ty, a mos mendon se është vetëm një Xhenet? Ka shumë Xhenete, dhe ai është në Firdeusin më të lartë." Pejgamberi (s.a.v.s.) shtoi: "Një nisje në mëngjes ose një nisje në mbrëmje në rrugën e Allahut është më e mirë se kjo botë dhe gjithçka që ka në të. Vendi sa një hark, ose sa një gjurmë këmbe në Xhenet, është më i mirë se kjo botë dhe gjithçka që ka në të. Dhe nëse një grua prej banoreve të Xhenetit do të shfaqej mbi tokë, ajo do të ndriçonte gjithë hapësirën mes tyre dhe do ta mbushte atë me aromë të këndshme. Vetëm shamia e kokës së saj është më e mirë se kjo botë dhe gjithçka që ka në të."