Transmeton Ebu Musa: Kur ishim me të Dërguarin e Allahut (s.a.v.s.) në një betejë, sa herë që ngjiteshim në ndonjë lartësi apo zbritnim në ndonjë luginë, ne ngrinim zërat tanë me Tekbir. I Dërguari i Allahut (s.a.v.s.) na u afrua dhe tha: "O njerëz! Kini mëshirë për veten tuaj, sepse ju nuk po thërritni dikë që nuk dëgjon apo që nuk është i pranishëm, por po thërritni Atë që dëgjon çdo gjë dhe sheh çdo gjë." Pastaj Pejgamberi (s.a.v.s.) tha: "O Abdullah bin Kajs! A të të mësoj një fjalë e cila është prej thesareve të Xhenetit? (Ajo është): 'La havle ve la kuvvete il-la bil-lah' (Nuk ka fuqi e as forcë përveçse me ndihmën e Allahut)."