Transmeton Ebu Hurejra:

I Dërguari i Allahut (s.a.v.s.) ka thënë: "Ishin dy gra që kishin me vete dy djemtë e tyre. Erdhi ujku dhe mori djalin e njërës prej tyre. Ajo i tha shoqes së saj: 'Ujku e ka marrë djalin tënd.' Tjetra i tha: 'Jo, por e ka marrë djalin tënd.' Të dyja kërkuan gjykimin e Davudit, i cili gjykoi që fëmija t'i jepet gruas më të moshuar. Më pas, ato shkuan te Sulejmani, i biri i Davudit, dhe e njoftuan për rastin. Sulejmani tha: 'Më sillni një thikë që ta ndaj fëmijën në dy pjesë për ju të dyja.' Gruaja më e re tha: 'Mos e bëj këtë, Allahu të mëshiroftë! Ai është fëmija i saj.' Atëherë, ai ia dha fëmijën gruas më të re." Ebu Hurejra shtoi: "Pasha Allahun! Nuk e kisha dëgjuar kurrë fjalën 'Sekkin' (për thikën) përveç asaj dite, pasi ne e quanim atë 'Mudja'."