Transmeton Omer bin el-Hatabi: Gjatë kohës së Pejgamberit (s.a.v.s.), ishte një burrë që quhej Abdullah, i cili njihej me nofkën "Gomari". Ai e bënte të Dërguarin e Allahut (s.a.v.s.) të qeshte. Pejgamberi (s.a.v.s.) e kishte ndëshkuar me rrahje për shkak të pirjes së alkoolit. Një ditë, ai u soll përsëri tek ai për të njëjtën arsye dhe u ndëshkua. Atëherë, një burrë nga njerëzit tha: "O Allah, mallkoje! Sa shpesh e sjellin!" Pejgamberi (s.a.v.s.) tha: "Mos e mallkoni, sepse, pasha Allahun, unë e di se ai e do Allahun dhe të Dërguarin e Tij."