Transmeton Ibn Umeri (r.a.): Te i Dërguari i Allahut (s.a.v.s.) u sollën një çifut dhe një çifute të cilët kishin kryer imoralitet (zina). Pejgamberi (s.a.v.s.) i pyeti ata: "Çfarë dënimi gjeni në librin tuaj?" Ata u përgjigjën: "Dijetarët tanë kanë shpikur dënimin me nxirjen e fytyrës dhe Tajbijen (poshtërimin publik)." Abdullah bin Selami tha: "O i Dërguari i Allahut (s.a.v.s.), urdhëroi ata ta sjellin Teuratin." E sollën Teuratin dhe njëri prej çifutëve e vendosi dorën mbi ajetin e Rexhmit (gurëzimit) dhe filloi të lexonte atë që ishte para dhe pas tij. Atëherë Ibn Selami i tha: "Ngrije dorën!" Dhe ja, ajeti i Rexhmit ishte nën dorën e tij. Atëherë i Dërguari i Allahut (s.a.v.s.) urdhëroi që të dy të gurëzoheshin, dhe kështu u ekzekutuan. Ibn Umeri shtoi: "Të dy u gurëzuan te vendi i quajtur Belat dhe e pashë çifutin duke u përpjekur ta mbrojë çifuten me trupin e tij."