Transmetojnë Ebu Hurejra dhe Zejd bin Halidi: Ne ishim me Pejgamberin (s.a.v.s.) kur një burrë u ngrit dhe tha: "Të përgjërohem në emër të Allahut që të gjykosh mes nesh sipas Librit të Allahut." Pastaj kundërshtari i tij, i cili ishte më i mençur se ai, u ngrit dhe tha: "Gjyko mes nesh sipas Librit të Allahut dhe më lejo të flas." Pejgamberi (s.a.v.s.) i tha: "Fol." Ai tha: "Djali im ishte i punësuar si argat te ky njeri dhe kreu imoralitet me gruan e tij. Unë dhashë si dëmshpërblim për djalin tim njëqind dele dhe një shërbëtor. Më pas pyeta njerëzit e ditur dhe ata më njoftuan se djali im duhet të fshikullohet me njëqind goditje dhe të dëbohet për një vit, ndërsa gruaja e tij duhet të gurëzohet." Pejgamberi (s.a.v.s.) tha: "Pasha Atë, në Dorën e të Cilit është shpirti im, unë do të gjykoj mes jush sipas Librit të Allahut të Madhëruar. Njëqind delet dhe shërbëtori të kthehen mbrapsht, ndërsa djali yt duhet të fshikullohet me njëqind goditje dhe të dëbohet për një vit. O Unejis, shko te gruaja e këtij njeriu dhe, nëse ajo pranon, gurëzoje atë." Unejisi shkoi te ajo, ajo pranoi dhe ai e gurëzoi.