Transmeton Ebu Seid el-Hudriu: E kam dëgjuar të Dërguarin e Allahut (s.a.v.s.) duke thënë: "Gjatë kohës që isha në gjumë, pashë (në ëndërr) njerëzit duke u paraqitur para meje, të veshur me këmisha; disa prej tyre u arrinin deri te gjoksi, ndërsa disa të tjera edhe më poshtë se aq. Pastaj mu shfaq Omer bin el-Hatabi, i cili mbante veshur një këmishë që e zvarriste pas vete." Ata pyetën: "Si e interpretove këtë, o i Dërguari i Allahut (s.a.v.s.)?" Ai u përgjigj: "Feja."