Transmeton Enes bin Maliku se ai i tha një gruaje nga familja e tij: "A e njeh filanen?" Ajo u përgjigj: "Po." Ai tha: "Pejgamberi (s.a.v.s.) kaloi pranë saj ndërsa ajo po qante te një varr dhe i tha: 'Ki frikë Allahun dhe bëj durim.' Ajo i tha: 'Largohu prej meje, sepse ti nuk e ke pësuar fatkeqësinë time.' Pejgamberi (s.a.v.s.) u largua dhe vazhdoi rrugën. Një burrë kaloi pranë saj dhe e pyeti: 'Çfarë të tha i Dërguari i Allahut (s.a.v.s.)?' Ajo u përgjigj: 'Nuk e njoha atë.' Ai i tha: 'Ai ishte i Dërguari i Allahut (s.a.v.s.).' Atëherë kjo grua shkoi te porta e Pejgamberit (s.a.v.s.) dhe nuk gjeti roje te dera, e pastaj tha: 'O i Dërguari i Allahut! Për Allahun, nuk të njoha!' Pejgamberi (s.a.v.s.) tha: 'Vërtet, durimi është te goditja e parë.'