Transmeton Ebu Humejd es-Sa'idi:

Pejgamberi (s.a.v.s.) caktoi një burrë nga fisi Beni Esed, i cili quhej Ibnul-Utebijje, për të mbledhur zeqatin. Kur ai u kthye, tha: "Kjo është për ju, ndërsa kjo më është dhënë mua si dhuratë." Pejgamberi (s.a.v.s.) u ngjit në minber, e falënderoi dhe e lavdëroi Allahun, e pastaj tha: "Çfarë po ndodh me punonjësin të cilin e dërgojmë, e ai kthehet dhe thotë: 'Kjo është për ju dhe kjo është për mua?' Pse nuk qëndroi ai në shtëpinë e babait dhe të nënës së tij për të parë nëse do t'i jepeshin dhurata apo jo? Pasha Atë, në Dorën e të Cilit është shpirti im, cilido që merr diçka në mënyrë të paligjshme, do ta sjellë atë në Ditën e Kiametit duke e bartur mbi qafën e tij: nëse është deve, ajo do të hungërijë; nëse është lopë, ajo do të mullaçitë; dhe nëse është dele, ajo do të blegërijë!" Pastaj Pejgamberi (s.a.v.s.) i ngriti të dyja duart e tij saqë ne i pamë bardhësinë e sqetullave të tij dhe tha: "A e përcolla mesazhin?" Këtë e përsëriti tri herë.