Transmeton Ibn Omeri: I Dërguari i Allahut (s.a.v.s.) nisi një njësi ushtarake nën udhëheqjen e Usama bin Zejdit, ndërsa njerëzit e kritikuan udhëheqjen e tij. Pejgamberi (s.a.v.s.) tha: "Nëse e kritikoni udhëheqjen e tij, ju e keni kritikuar edhe udhëheqjen e babait të tij më parë. Pasha Allahun, ai ishte vërtet i denjë për udhëheqje dhe ishte ndër njerëzit më të dashur për mua, po ashtu edhe ky (Usama) është ndër njerëzit më të dashur për mua pas tij."