Transmeton Enes bin Maliku: Ai e dëgjoi fjalimin e fundit të Omerit, të cilin e mbajti kur u ul në minber, një ditë pas vdekjes së Pejgamberit (s.a.v.s.). Omeri lexoi Teshehudin ndërsa Ebu Bekri heshtte. Omeri tha: "Shpresoja që i Dërguari i Allahut (s.a.v.s.) të jetonte më gjatë se ne, pra të ishte i fundit që do të vdiste. Por, nëse Muhamedi (s.a.v.s.) ka vdekur, Allahu i Madhëruar ka lënë mes jush dritën me të cilën mund të udhëzoheni, ashtu siç e udhëzoi Allahu Muhamedin (s.a.v.s.). Ebu Bekri është shoku i të Dërguarit të Allahut (s.a.v.s.) dhe i dyti i të dyve në shpellë. Ai është njeriu më i merituar mes muslimanëve për të udhëhequr çështjet tuaja. Prandaj, ngrihuni dhe jepjani besën atij." Një grup njerëzish ia kishin dhënë besën atij më parë në vendin e quajtur Sekife e Beni Sa'ides, kurse dhënia e besës nga publiku i gjerë u bë te minberi. E dëgjova Omerin duke i thënë Ebu Bekrit atë ditë: "Ngjitu në minber", dhe vazhdoi t'i kërkonte derisa ai u ngjit në minber, me ç'rast të gjithë njerëzit i dhanë besën atij.