Transmeton Ebu Musa: Pejgamberi (s.a.v.s.) ka thënë: "Shembulli im dhe shembulli i asaj me të cilën më ka dërguar Allahu është si shembulli i një njeriu i cili erdhi te një popull dhe tha: 'O populli im! Unë e pashë ushtrinë me sytë e mi dhe unë jam paralajmëruesi i qartë, prandaj shpëtoni veten!' Një pjesë e popullit të tij iu bindën dhe u larguan gjatë natës duke udhëtuar pa u vënë re derisa shpëtuan, ndërsa një pjesë tjetër e përgënjeshtruan dhe mbetën në vendet e tyre deri në mëngjes. Ushtria i sulmoi ata në agim, i shkatërroi dhe i zhduku plotësisht. Ky është shembulli i atij që më bindet mua dhe ndjek atë me të cilën kam ardhur, dhe shembulli i atij që më kundërshton dhe e përgënjeshtron të vërtetën me të cilën kam ardhur."