Transmeton Aishja, nëna e besimtarëve: I Dërguari i Allahut (s.a.v.s.), gjatë sëmundjes së tij nga e cila ndërroi jetë, tha: "Urdhëroni Ebu Bekrin që t'u prijë njerëzve në namaz." Aishja tha: "Unë i thashë: 'Nëse Ebu Bekri zë vendin tënd, ai nuk do t'i lejojë njerëzit të dëgjojnë (këndimin) prej të qarit, prandaj urdhëro Omerin që t'u prijë njerëzve në namaz.'" Ai tha përsëri: "Urdhëroni Ebu Bekrin që t'u prijë njerëzve në namaz." Pastaj unë i thashë Hafsës: "Thuaji: 'Nëse Ebu Bekri zë vendin tënd, ai nuk do t'i lejojë njerëzit të dëgjojnë prej të qarit, prandaj urdhëro Omerin që t'u prijë njerëzve në namaz.'" Hafsa veproi ashtu, e atëherë i Dërguari i Allahut (s.a.v.s.) tha: "Vërtet, ju jeni si shoqet e Jusufit! Urdhëroni Ebu Bekrin që t'u prijë njerëzve në namaz." Hafsa pastaj i tha Aishes: "Nuk kam parë asnjë të mirë prej teje!"