Transmeton Ebu Hurejre: Një beduin erdhi te i Dërguari i Allahut (s.a.v.s.) dhe tha: "Bashkëshortja ime ka lindur një djalë të zi dhe unë e dyshoj atë (mohoj atësinë)." I Dërguari i Allahut (s.a.v.s.) e pyeti: "A ke deve?" Ai u përgjigj: "Po." Pejgamberi (s.a.v.s.) pyeti: "Çfarë ngjyre janë?" Ai tha: "Të kuqe." Pejgamberi (s.a.v.s.) pyeti: "A ka prej tyre me ngjyrë hiri?" Ai u përgjigj: "Po, ka prej tyre që janë në ngjyrë hiri." Pejgamberi (s.a.v.s.) e pyeti: "Nga mendon se u ka ardhur kjo ngjyrë?" Beduini tha: "O i Dërguari i Allahut (s.a.v.s.)! Mund të jetë ndonjë damar (tipar) i trashëguar." Pejgamberi (s.a.v.s.) i tha: "Edhe këtij (fëmijës) mund t'i ketë ardhur nga ndonjë damar i trashëguar." Dhe ai (s.a.v.s.) nuk e lejoi atë ta mohonte atësinë e fëmijës.