Transmetojnë Ebu Seid el-Hudriu dhe Ebu Hurejra: I Dërguari i Allahut (s.a.v.s.) dërgoi një vëlla nga fisi Beni Adi el-Ansari si guvernator në Hajber. Ai u kthye duke sjellë hurma të llojit xhenib (cilësi e mirë). I Dërguari i Allahut (s.a.v.s.) e pyeti: "A janë të gjitha hurmat e Hajberit kështu?" Ai u përgjigj: "Jo, për Allahun, o i Dërguari i Allahut (s.a.v.s.)! Ne shkëmbejmë një sa' prej këtyre me dy sa' nga hurmat e përziera." I Dërguari i Allahut (s.a.v.s.) tha: "Mos veproni kështu. Ju duhet të merrni një sa' për një sa', ose shisni njërën lloj dhe me vlerën e tyre blini llojin tjetër. E njëjta gjë vlen edhe për peshimin."