Transmeton Ebu Musa: Ai kërkoi leje për të hyrë tek Omeri, por duke parë se ai ishte i zënë, u largua. Omeri pastaj tha: "A nuk e dëgjova zërin e Abdullah bin Kajsit? Lejojeni të hyjë." Ai u thirr dhe Omeri i tha: "Çfarë të shtyu të veproje ashtu?" Ai u përgjigj: "Kështu jemi urdhëruar nga Pejgamberi (s.a.v.s.)." Omeri i tha: "Më sjell dëshmi për këtë, përndryshe do të të ndëshkoj." Atëherë Abdullah bin Kajsi shkoi te një tubim i Ensarëve, të cilët i thanë: "Për këtë do të dëshmojë vetëm më i riu prej nesh." Atëherë u ngrit Ebu Said el-Hudriu dhe tha: "Ne vërtet jemi urdhëruar kështu." Omeri tha: "Kjo porosi e Pejgamberit (s.a.v.s.) më kishte mbetur e fshehur; më patën zënë punët e tregtisë nëpër tregje."