Transmeton Ibn Abbasi: Kurdo që Pejgamberi (s.a.v.s.) falte namazin e Tahaxhudit, ai thoshte: "O Allah, Zoti ynë! Ty të takon i gjithë falënderimi; Ti je Mbajtësi i qiejve dhe i tokës. Ty të takon i gjithë falënderimi; Ti je Drita e qiejve, e tokës dhe e gjithçkaje që gjendet në to. Ti je e Vërteta, Fjala Jote është e vërtetë, Premtimi Yt është i vërtetë, takimi me Ty është i vërtetë, Xheneti është i vërtetë dhe Zjarri i Xhehenemit është i vërtetë. O Allah! Ty të jam dorëzuar, te Ti kam besuar dhe te Ti jam mbështetur. Për Ty konfrontohem me kundërshtarët dhe me argumentet Tua gjykoj. Prandaj, më fal mëkatet që kam bërë në të kaluarën dhe ato që do t'i bëj në të ardhmen, ato që i kam bërë fshehurazi dhe ato që i kam bërë haptazi, si dhe ato për të cilat Ti di më mirë se unë. Nuk ka të adhuruar tjetër me të drejtë përveç Teje."