Transmeton Usama: Djali i njërës prej vajzave të Pejgamberit (s.a.v.s.) ishte në prag të vdekjes, andaj ajo dërgoi dikë për ta thirrur Pejgamberin (s.a.v.s.). Ai i dërgoi një mesazh: "E Allahut është ajo që Ai merr dhe e Tij është ajo që Ai jep, dhe çdo gjë tek Ai ka një afat të caktuar, prandaj ajo le të bëjë durim dhe të shpresojë në shpërblimin e Allahut." Ajo dërgoi përsëri tek ai, duke iu betuar që të vinte. I Dërguari i Allahut (s.a.v.s.) u ngrit, e bashkë me të edhe Muadh bin Xhebeli, Ubejj bin Kabi dhe Ubade bin es-Samiti. Kur hyri brenda, ia dhanë fëmijën të Dërguarit të Allahut (s.a.v.s.) ndërsa frymëmarrja e tij po dridhej në gjoksin e tij (sikur të ishte një calik uji). I Dërguari i Allahut (s.a.v.s.) filloi të qante, me ç’rast Sa’d bin Ubadeja i tha: "A po qan?" Pejgamberi (s.a.v.s.) tha: "Allahu i mëshiron vetëm ata nga robërit e Tij që janë të mëshirshëm."