Transmeton Ubade bin es-Samiti: Unë, së bashku me një grup njerëzish, i dhamë besën e besnikërisë të Dërguarit të Allahut (s.a.v.s.). Ai tha: "Po jua marr besën me kusht që: të mos i shoqëroni Allahut asgjë në adhurim, të mos vidhni, të mos bëni zina, të mos i vrisni fëmijët tuaj, të mos shpifni duke trilluar gënjeshtra dhe të mos më kundërshtoni në atë që është e mirë. Kushdo prej jush që e përmbush këtë, shpërblimi i tij është tek Allahu. Ndërsa kushdo që vepron diçka nga këto dhe ndëshkohet në këtë botë, ky ndëshkim do të jetë shlyerje dhe pastrim për të. Por, nëse Allahu ia mbulon atë, i mbetet Allahut; nëse dëshiron e ndëshkon, e nëse dëshiron e fal."