Transmeton Ebu Hurejra: I Dërguari i Allahut (s.a.v.s.) ka thënë: "Gjatë kohës që isha në gjumë, e pashë veten (në ëndërr) pranë një pusi. Nxora prej tij aq ujë sa deshi Allahu të nxirrja, pastaj këtë e mori Ibn Kuhafja (Ebu Bekri), i cili nxori një ose dy kova, por në nxjerrjen e tij kishte dobësi – Allahu e faltë! Pastaj kova kaloi te Omeri dhe ajo u shndërrua në një kovë gjigante. Nuk kam parë ndonjë njeri aq të fuqishëm midis njerëzve që të punonte me aq përsosmëri dhe vrull si ai, derisa njerëzit u ngopën me ujë dhe i ulën devetë e tyre pranë vendit të pijeve."