Transmeton Enesi se i Dërguari i Allahut (s.a.v.s.) ka thënë: "Besimtarët do të tubohen në Ditën e Kiametit dhe do të thonë: 'Sikur të kërkonim dikë që të ndërmjetësojë për ne te Zoti ynë, në mënyrë që Ai të na çlirojë nga ky vend ku jemi.' Ata do të shkojnë te Ademi dhe do t'i thonë: 'Ti je Ademi, babai i njerëzimit. Allahu të krijoi me Duart e Tij, i urdhëroi engjëjt të të bëjnë sexhde dhe t'i mësoi emrat e çdo gjëje; andaj ndërmjetëso për ne te Zoti ynë që të na çlirojë.' Ademi do t'u thotë atyre: 'Nuk jam i denjë për këtë' dhe do t'ua përmendë gabimin që kishte bërë."