Transmeton Abdullah ibn Abasi: O bashkësi e muslimanëve! Si mund t'i pyesni njerëzit e Librit për diçka, ndërkohë që Libri juaj, të cilin Allahu ia ka shpallur Pejgamberit tuaj (s.a.v.s.), përmban lajmet më të fundit prej Allahut, është i pastër dhe i papërzier? Allahu ju ka treguar se njerëzit e Librit kanë ndryshuar librat e Allahut dhe i kanë deformuar ato, duke shkruar me duart e tyre e duke thënë: "Kjo është prej Allahut", për të përfituar me të një vlerë të pakët. A nuk ju ndalon dija që ju ka ardhur që t'i pyesni ata? Jo, për Allahun, nuk kemi parë kurrë asnjë njeri prej tyre t'ju pyesë juve për atë që ju është shpallur.