Transmeton Abdurrahman ibn Abd el-Kariu: Dola bashkë me Omer ibn el-Hatabin gjatë Ramazanit në xhami dhe pashë se njerëzit ishin të ndarë në grupe të ndryshme. Disa e falnin namazin vetëm, ndërsa të tjerët faleshin në grupe të vogla. Omeri tha: "Pasha Allahun! Mendoj se do të ishte më mirë sikur t'i mblidhnim këta njerëz pas një lexuesi të vetëm." Kështu, ai i bashkoi ata pas Ubej ibn Kabit. Më pas dola me të një natë tjetër dhe njerëzit po faleshin pas lexuesit të tyre. Omeri tha: "Sa risi e mirë që është kjo! Megjithatë, ajo pjesë e natës në të cilën flini është më e vlefshme se ajo në të cilën po faleni." Ai e kishte fjalën për fundin e natës, pasi njerëzit e falnin namazin në fillim të saj.