Transmeton Maliku se ai e pyeti Abdurrahman ibn Kasimin: "Nga ku e gjuante Kasimi Xhemratul Akabenë?" Ai u përgjigj: "Nga kudo që ishte e mundur." Maliku u pyet nëse mund të gjuajë dikush tjetër gurët në emër të fëmijës ose të sëmurit dhe ai tha: "Po, dhe i sëmuri duhet të interesohet se kur do të gjuhen gurët për të, e pastaj të thotë tekbirin duke qenë në vendin ku po qëndron. Nëse i sëmuri shërohet gjatë ditëve të teshrikut, ai duhet t'i gjuajë vetë ato gjuajtje që janë kryer për të dhe e ka obligim të therrë kurban." Maliku gjithashtu tha: "Nuk konsideroj se ai që gjuan gurët apo bën sajin mes Safas dhe Merves pa pasur abdest duhet të përsëritë diçka, por ai nuk duhet ta bëjë këtë qëllimisht."