Transmeton El-Kasim ibn Muhammedi se ka dëgjuar një burrë duke e pyetur Ibn Abbasin rreth plaçkës së luftës (el-enfal). Ibn Abbasi tha: "Kuajt janë pjesë e plaçkës, po ashtu edhe gjërat personale të të vrarit (el-seleb) janë pjesë e saj." Burri e përsëriti pyetjen e tij dhe Ibn Abbasi e përsëriti përgjigjen. Pastaj burri tha: "Cilat janë ato plaçka që Allahu i Madhëruar ka përmendur në Librin e Tij?" Ai vazhdoi ta pyeste derisa Ibn Abbasi pothuajse u acarua, e pastaj tha: "A e dini se me kë ngjason ky njeri? Ky ngjason me Sabigun, të cilin e rrahu Omer ibn el-Hattabi (për shkak të pyetjeve të tij të kota)." Malikun e pyetën nëse ai që vret një armik mund t’i marrë gjërat e tij pa lejen e Imamit. Ai u përgjigj: "Askush nuk mund ta bëjë këtë pa lejen e Imamit. Kjo i takon vetëm Imamit përmes ixhithadit. Nuk më ka mbërritur se i Dërguari i Allahut (s.a.v.s.) ka thënë: 'Kush vret dikë, i takojnë gjërat e tij', përveçse në ditën e Hunejnit."