Maliku ka thënë: Nuk është hallall martesa me një skllave të krishterë ose çifute, sepse Allahu i Bekuar dhe i Madhëruar ka thënë në Librin e Tij: "Gratë besimtare të ndershme (muhsanat) dhe gratë e ndershme nga ata të cilëve u është dhënë Libri para jush" (Sureja 5, ajeti 5), e ato janë gratë e lira nga të krishterët dhe çifutët. Allahu i Bekuar dhe i Madhëruar ka thënë në Librin e Tij: "Nëse nuk keni mundësi materiale për t'u martuar me gra të lira besimtare (muhsanat), atëherë martohuni me ato skllave besimtare që i keni nën zotërim" (Sureja 4, ajeti 25).

Maliku ka thënë: Sipas mendimit tonë, Allahu e ka bërë hallall martesën me skllave besimtare, por nuk e ka bërë hallall martesën me skllave të krishtere apo çifute nga ithtarët e Librit.

Maliku ka thënë: Skllavja e krishterë dhe ajo çifute janë hallall për zotërinë e tyre përmes të drejtës së zotërimit, por marrëdhëniet me një skllave mexhuse nuk janë hallall përmes të drejtës së zotërimit.