Transmeton Rafi bin Hadixhi: Ai u martua me vajzën e Muhamed bin Mesleme el-Ensariut. Ajo qëndroi me të derisa u moshua, pastaj ai u martua me një vajzë të re dhe i jepte përparësi asaj të resë ndaj saj. Gruaja e parë i kërkoi shkurorëzim, kështu që ai e shkurorëzoi një herë dhe e la derisa iu afrua fundi i periudhës së idetit, e pastaj u rikthye tek ajo, por prapë i jepte përparësi të resë. Ajo i kërkoi sërish shkurorëzim, kështu që ai e shkurorëzoi një herë dhe u rikthye sërish tek ajo, por vazhdoi t'i jepte përparësi të resë. Ajo prapë kërkoi shkurorëzim. Atëherë ai i tha: "Çfarë dëshiron? Ka mbetur vetëm edhe një shkurorëzim. Nëse dëshiron, qëndro dhe duroje atë që sheh nga favorizimi, e nëse dëshiron, do të ndahem prej teje." Ajo tha: "Do të qëndroj pavarësisht favorizimit." Ai e mbajti atë në ato kushte. Rafiu nuk shihte se kishte bërë ndonjë mëkat kur ajo pranoi të qëndronte me të pavarësisht favorizimit.