Transmeton babai i Abdurrahman ibn Muhamedit: Një njeri erdhi te Omer ibn el-Hatabi nga Ebu Musa el-Esh’ariu. Omeri e pyeti për njerëzit dhe ai e njoftoi. Pastaj Omeri e pyeti: "A ka ndonjë lajm të ri?" Ai tha: "Po. Një burrë u bë qafir pasi kishte pranuar Islamin." Omeri pyeti: "Çfarë bëtë me të?" Ai u përgjigj: "E afruam dhe i premë kokën." Omeri tha: "Përse nuk e burgosët për tri ditë, duke e ushqyer çdo ditë me një copë bukë dhe t’i kërkonit të bënte teube, me shpresë se do të pendohej dhe do t’i kthehej urdhrit të Allahut?" Pastaj Omeri tha: "O Allah! Unë nuk isha i pranishëm, nuk urdhërova për këtë dhe nuk jam i kënaqur pasi mora vesh!"