Transmeton Ebul-Axhlani el-Muharibij: Isha pjesë e ushtrisë së Ibn ez-Zubejrit kur më vdiq një kushëri, i cili kishte lënë porosi që një deve e tij të jepej në rrugë të Allahut. I thashë djalit të tij: "Ma jep devenë mua, sepse unë jam në ushtrinë e Ibn ez-Zubejrit." Ai më tha: "Eja të shkojmë te Ibn Omeri që ta pyesim." Shkuam te Ibn Omeri dhe ai (djali) i tha: "O Ebu Abdurrahman, babai im ka vdekur dhe ka lënë porosi që një deve e tij të jepet në rrugë të Allahut. Ky është kushëriri im dhe është në ushtrinë e Ibn ez-Zubejrit. A t'ia jap atij devenë?" Ibn Omeri u përgjigj: "O biri im, rruga e Allahut përfshin çdo vepër të mirë. Nëse babai yt e ka lënë devenë e tij posaçërisht për rrugë të Allahut të Madhëruar, atëherë kur të shohësh një grup muslimanësh që luftojnë kundër idhujtarëve, jepuave atyre devenë. Ndërsa ky dhe shokët e tij janë në rrugën e të rinjve të një populli (që luftojnë) se cili prej tyre do ta marrë pushtetin."