Transmeton Abdullahu: Pejgamberi (s.a.v.s.) bëri një ndarje të pasurisë, ashtu siç bënte zakonisht. Një burrë nga Ensarët tha: "Pasha Allahun, kjo është një ndarje me të cilën nuk është synuar Fytyra e Allahut të Madhërishëm." Unë thashë: "Do t'i tregoj Pejgamberit (s.a.v.s.)." Shkova tek ai ndërsa ishte me shokët e tij dhe i tregova fshehurazi. Kjo e rëndoi shumë atë (s.a.v.s.) dhe fytyra i ndryshoi aq shumë saqë dëshirova të mos i kisha treguar fare. Atëherë ai tha: "Musai është lënduar edhe më shumë se kjo, por ai bëri durim."