Transmeton Ebu Berze: Babai im e pyeti atë: "Si i falte i Dërguari i Allahut (s.a.v.s.) namazet e obligueshme?" Ai u përgjigj: "Ai e falte namazin e drekës, të cilin ju e quani 'el-ula', kur dielli kalonte zenitin; namazin e ikindisë e falte kur ndonjëri prej nesh mund të kthehej në shtëpinë e tij në skajin më të largët të Medinës ndërkohë që dielli ishte ende i fortë." Harrova se çfarë tha për namazin e akshamit. "Ai pëlqente ta vononte namazin e jacisë, të cilin ju e quani 'el-atameh', dhe nuk i pëlqente të fjeturit para saj e as bisedat pas saj. Ndërsa namazin e sabahut e përfundonte kur njeriu mund ta njihte personin që kishte ulur pranë, dhe në të lexonte prej gjashtëdhjetë deri në njëqind ajete."