Transmeton Xhubejr bin Mut'imi: I Dërguari i Allahut (s.a.v.s.) gjatë një udhëtimi të tij tha: "Kush do të na ruajë këtë natë, që të mos na zërë gjumi e të humbim namazin e sabahut?" Bilalli tha: "Unë." Ai u kthye nga drejtimi i lindjes së diellit, por i zuri gjumi derisa i zgjoi nxehtësia e diellit. Kur u ngritën, ai (s.a.v.s.) tha: "Merrni abdest." Pastaj Bilalli thirri azanin dhe ai (s.a.v.s.) i fali dy rekate, edhe të tjerët i falën dy rekatet e sabahut, e pastaj e falën namazin e sabahut.