Transmeton Malik bin el-Huvejrithi: Erdhëm te i Dërguari i Allahut (s.a.v.s.) kur ishim të rinj të një moshe të përafërt dhe qëndruam tek ai për njëzet net. I Dërguari i Allahut (s.a.v.s.) ishte i mëshirshëm dhe i butë, andaj kur mendoi se na kishte marrë malli për familjet tona, na pyeti për ata që kishim lënë pas dhe ne e informuam. Atëherë ai tha: "Kthehuni te familjet tuaja, qëndroni me ta, mësojini dhe urdhërojini ata. Kur të vijë koha e namazit, le të thërrasë ezanin njëri prej jush dhe le t'ju prijë në namaz më i vjetri prej jush."