Transmeton Ajsheja: Pejgamberi (s.a.v.s.) falte njëmbëdhjetë rekate ndërmjet kohës kur përfundonte namazin e jashisë deri në agim. Ai jepte selam pas çdo dy rekateve dhe falte vitrin me një rekat. Ai qëndronte në sexhde aq sa dikush prej jush mund të lexonte pesëdhjetë ajete, pastaj e ngrinte kokën. Kur muezini përfundonte thirrjen e namazit të sabahut dhe agimi bëhej i qartë, ai i falte dy rekate të lehta, pastaj shtrihej në krahun e tij të djathtë derisa muezini vinte për të thirrur ikametin, e pastaj dilte me të.