Transmeton Ebu Hurejre: I Dërguari i Allahut (s.a.v.s.) hyri në xhami, pastaj hyri një burrë dhe fali namaz. Pastaj ai erdhi dhe e përshëndeti të Dërguarin e Allahut (s.a.v.s.) me selam. I Dërguari i Allahut (s.a.v.s.) ia ktheu selamin dhe i tha: "Kthehu dhe falu, sepse ti nuk je falur." Ai u kthye dhe u fal ashtu siç ishte falur më parë, pastaj erdhi te Pejgamberi (s.a.v.s.) dhe e përshëndeti me selam. I Dërguari i Allahut (s.a.v.s.) i tha: "Ue alejkes-selam. Kthehu dhe falu, sepse ti nuk je falur." Kjo u përsërit tri herë, derisa burri tha: "Pasha Atë që të dërgoi me të vërtetën, nuk di të falem më mirë se kështu; andaj më mëso." Ai (s.a.v.s.) tha: "Kur të ngrihesh për namaz, merr tekbirin, pastaj lexo atë që të vjen më lehtë nga Kurani. Pastaj bëj ruku derisa të qetësohesh në ruku, pastaj ngrihu derisa të drejtohesh plotësisht në këmbë. Pastaj bëj sexhde derisa të qetësohesh në sexhde, pastaj ngrihu derisa të qetësohesh ulur. Kështu vepro në të gjithë namazin tënd."