Transmeton Rifa'ah bin Rafi': U fala pas Pejgamberit (s.a.v.s.) dhe teshtiva, me ç’rast thashë: "El-hamdu lil-lahi hamden kethiran tajjiben mubareken fihi mubareken 'alejhi kema juhibbu Rabbuna ve jerda" (Lavdërimi i takon Allahut, lavdërim i shumtë, i mirë dhe i bekuar, ashtu siç do Zoti ynë dhe siç është i kënaqur). Kur i Dërguari i Allahut (s.a.v.s.) e përfundoi namazin, pyeti: "Kush ishte ai që foli gjatë namazit?" Askush nuk u përgjigj. Ai e përsëriti për herë të dytë: "Kush ishte ai që foli gjatë namazit?" Atëherë Rifa'ah bin Rafi' tha: "Isha unë, o i Dërguari i Allahut." Ai (s.a.v.s.) e pyeti: "Si thoshe?" Ai u përgjigj: "Thashë: El-hamdu lil-lahi hamden kethiran tajjiben mubareken fihi mubareken 'alejhi kema juhibbu Rabbuna ve jerda." Atëherë Pejgamberi (s.a.v.s.) tha: "Pasha Atë, në Dorën e të Cilit është shpirti im, nxituan mbi tridhjetë engjëj se cili prej tyre do ta ngjiste atë (lutje) lart."