Transmeton Ajsheja: I Dërguari i Allahut (s.a.v.s.) dërgoi një njeri në një ekspeditë, i cili u printe shokëve të tij në namaz dhe e përfundonte leximin me: "Thuaj: Ai, Allahu është Një". Kur u kthyen, ia treguan këtë të Dërguarit të Allahut (s.a.v.s.), i cili tha: "Pyeteni atë se përse e ka bërë këtë." Ata e pyetën dhe ai tha: "Sepse ajo është cilësi e të Gjithëmëshirshmit, të Madhërishmit dhe të Lartësuarit, prandaj unë dëshiroj ta lexoj atë." I Dërguari i Allahut (s.a.v.s.) tha: "Tregoni atij se Allahu i Madhërishëm e do atë."