Transmeton Auf bin Maliku: U fala në namazin e natës me Pejgamberin (s.a.v.s.). Ai filloi duke përdorur misvakun dhe mori abdest, pastaj u ngrit për t'u falur. Filloi të lexonte suren el-Bekare; nuk kalonte në asnjë ajet mëshire pa u ndalur për të kërkuar (mëshirë) dhe nuk kalonte në asnjë ajet dënimi pa u ndalur për të kërkuar mbrojtje (tek Allahu). Pastaj ra në ruku dhe qëndroi në të pothuajse aq sa kishte qëndruar në këmbë, duke thënë gjatë rukusë: "Subhane dhi-l-xheberuti, vel-melekuti, vel-kibrijai, vel-adhameti" (I Madhëruar qoftë Sunduesi i plotfuqishëm, i mbretërisë, i krenarisë dhe i madhështisë). Pastaj ra në sexhde dhe qëndroi në të aq sa kishte qëndruar në ruku, duke thënë gjatë sexhdes: "Subhane dhi-l-xheberuti, vel-melekuti, vel-kibrijai, vel-adhameti". Pastaj lexoi suren Ali Imran, pastaj sure të tjera me radhë, duke vepruar në secilën njëjtë.