Transmetojnë Ebu Bekr bin Abdurrahman dhe Ebu Seleme bin Abdurrahman: Ata u falën pas Ebu Hurejrës (r.a.) dhe kur ai binte në ruku, merrte tekbirin; kur ngrinte kokën, thoshte: "Semiallahu limen hamideh, Rabbena ve lekel-hamd". Pastaj binte në sexhde duke marrë tekbirin, ngrinte kokën duke marrë tekbirin dhe merrte tekbirin kur ngrihej pas asaj rekateje. Pastaj tha: "Pasha Atë në dorën e të Cilit është shpirti im, unë jam ai që mes jush i ngjaj më së shumti në namaz të Dërguarit të Allahut (s.a.v.s.). Kështu vazhdoi ai të falej derisa u nda nga kjo botë."