Transmeton Abdullah: Ne nuk dinim se çfarë të thoshim në çdo dy reqate, përveçse të lartësonim, të madhëronim dhe të lavdëronim Zotin tonë. Por Muhamedi (s.a.v.s.) u mësua me fillimet dhe përfundimet e çdo mirësie, andaj ai tha: "Kur të uleni në çdo dy reqate, thoni: At-tehijatu lillahi ves-salavatu vet-tajjibatu, es-selamu alejke ejjuhen-nebijju ve rahmetullahi ve berekatuhu. Es-selamu alejna ve ala ibadil-lahis-salihin. Eshhedu en la ilahe il-lallah, ve eshhedu enne Muhemmeden abduhu ve resuluhu (Përshëndetjet, lutjet dhe të mirat janë për Allahun. Paqja qoftë mbi ty, o Pejgamber, si dhe mëshira e Allahut dhe bekimet e Tij. Paqja qoftë mbi ne dhe mbi robërit e devotshëm të Allahut. Dëshmoj se nuk ka zot tjetër që meriton adhurimin përveç Allahut dhe dëshmoj se Muhamedi është robi dhe i Dërguari i Tij). Pastaj, le të zgjedhë secili prej jush lutjen që i pëlqen më shumë dhe t'i lutet Allahut të Plotfuqishëm e të Madhërishëm me të."