Transmeton Ebu Derda: I Dërguari i Allahut (s.a.v.s.) u ngrit për të falur namazin dhe ne e dëgjuam atë duke thënë: "Kërkoj mbrojtjen e Allahut prej teje." Pastaj tha tri herë: "Të mallkoj me mallkimin e Allahut", dhe zgjati dorën sikur po kapte diçka. Kur mbaroi namazin, ne i thamë: "O i Dërguari i Allahut, të dëgjuam të thoshe diçka në namaz që nuk të kemi dëgjuar ta thuash më parë, dhe të pamë ta zgjasje dorën." Ai tha: "Armiku i Allahut, Iblisi, erdhi me një shkëndijë zjarri për të ma vënë në fytyrë, prandaj thashë tri herë: 'Kërkoj mbrojtjen e Allahut prej teje'. Pastaj thashë tri herë: 'Të mallkoj me mallkimin e Allahut', por ai nuk u tërhoq. Atëherë desha ta zija dhe, për Allahun, sikur të mos ishte lutja e vëllait tonë Sulejmanit, ai do të ishte gdhirë i lidhur që me të të luanin fëmijët e Medines."