Transmeton Abdullahu: I Dërguari i Allahut (s.a.v.s.) fali një namaz në të cilin shtoi ose pakësoi diçka. Pasi dha selam, ne i thamë: "O i Dërguari i Allahut (s.a.v.s.), a ka ndodhur ndonjë ndryshim në lidhje me namazin?" Ai tha: "Për çfarë bëhet fjalë?" Ne i treguam se çfarë kishte bërë. Atëherë ai u kthye nga Kibla dhe bëri dy sexhde të harresës, pastaj u kthye nga ne me fytyrë dhe tha: "Sikur të kishte ndodhur ndonjë ndryshim në namaz, unë do t'ju njoftoja për këtë." Pastaj shtoi: "Unë jam vetëm një njeri dhe harroj ashtu siç harroni edhe ju. Nëse ndonjëri prej jush ka dyshim në namazin e tij, le të mundohet të përcaktojë atë që mendon se është e saktë dhe ta plotësojë namazin mbi atë bazë, pastaj të japë selam dhe të bëjë dy sexhde të harresës."