Transmeton Vail bin Huxhri: Thashë: "Do ta vrojtoj të Dërguarin e Allahut (s.a.v.s.) për të parë se si e fal namazin." I Dërguari i Allahut (s.a.v.s.) u ngrit, u kthye drejt Kiblës dhe i ngriti duart derisa ato ishin në nivel me veshët e tij, pastaj kapi dorën e majtë me të djathtën. Kur dëshironte të binte në ruku, i ngrinte duart po ashtu, pastaj i vendoste ato mbi gjunjë. Kur e ngrinte kokën nga rukuja, i ngrinte ato po ashtu. Kur binte në sexhde, i vendoste duart në të njëjtin pozicion në raport me kokën e tij, pastaj ulej duke e shtruar këmbën e majtë. Ai e vendoste dorën e majtë mbi kofshën e tij të majtë dhe bërrylin e djathtë mbi kofshën e tij të djathtë, mblidhte dy gishta dhe formonte një rreth. Dhe e pashë atë duke vepruar kështu – ndërsa Bishri (një nga transmetuesit) tregoi me gishtin tregues të dorës së djathtë dhe formoi një rreth me gishtin e madh dhe gishtin e mesëm.