Transmeton Ebu Hurejre se i Dërguari i Allahut (s.a.v.s.) ka thënë: "Ne jemi të fundit (në këtë botë), por do të jemi të parët në Ditën e Kiametit, megjithëse atyre u është dhënë Libri para nesh, ndërsa neve pas tyre. Kjo është dita që Allahu i Madhëruar ua kishte caktuar atyre, por ata ranë në kundërshtim rreth saj, ndërsa Allahu na udhëzoi ne drejt saj – domethënë ditës së xhumasë. Kështu që njerëzit vijnë pas nesh: hebrenjtë të nesërmen, ndërsa të krishterët pasnesër."