Transmeton Evs bin Evsi: Pejgamberi (s.a.v.s.) ka thënë: "Një nga ditët tuaja më të mira është dita e xhumasë. Në këtë ditë u krijua Ademi (a.s.) dhe po në këtë ditë ai vdiq; në këtë ditë do t'i fryhet Surit dhe po në këtë ditë do të ndodhë shkatërrimi i gjithësisë. Prandaj, dërgoni sa më shumë salavate mbi mua në këtë ditë, sepse salavatet tuaja do të më paraqiten mua." Ata thanë: "O i Dërguari i Allahut (s.a.v.s.), si do të të paraqiten salavatet tona kur ti të jesh tretur?" Ai tha: "Allahu, i Plotfuqishmi dhe i Madhërishmi, ia ka ndaluar tokës që t'i tretë trupat e pejgamberëve (a.s.)."