Transmeton Abdullah bin Omeri: Omer bin Hattabi pa një rrobë dhe tha: "O i Dërguari i Allahut (s.a.v.s.), sikur ta blije këtë e ta vishje ditën e xhuma dhe kur të presësh delegacionet që vijnë tek ti?" I Dërguari i Allahut (s.a.v.s.) tha: "Këtë e vesh vetëm ai që nuk ka pjesë në Ahiret." Më vonë, të Dërguarit të Allahut (s.a.v.s.) i sollën rroba të ngjashme dhe ai i dha Omerit njërën prej tyre. Omeri tha: "O i Dërguari i Allahut (s.a.v.s.), po ma jep këtë mua, ndërkohë që ti the atë që the për rrobën e Utaridit?" I Dërguari i Allahut (s.a.v.s.) tha: "Nuk ta dhashë që ta veshësh ti." Atëherë Omeri ia dha atë një vëllait të tij idhujtar në Mekë.